身邊有潛水朋友的孩子像個寶？！

【細數愛潛水人5大性格特質 Diving Lover Traits (上)】

潛水睇清水底世界，更加能夠睇清人性？如果你身邊有幾個有潛水牌的朋友，無論佢係資深還是新手，你都應該覺得幸福呀！因為愛潛水的人通常都有以下的正面特質。你有無朋友中咗？即刻睇下啦：

(下稱潛水愛好者為 Diver)

文︰咖菲

1. 想做就做愛冒險

Diver內心都住著一個愛玩而長不大嘅小孩，有幾多個Diver學潛水時，不是抱著想探索海洋世界的熱情？海洋世界之大，多不勝數的潛水美景都被你寫進bucket list內，等著你一一去經歷。沒有想不想，只有做不做。(細細聲講：小編都鼓起勇氣，在今年3月於香港考完O仔啦 (開放水域潛水員)，好想快啲可以衝出香港，去外國考埋個A仔牌呀 (進階開放水域潛水員) 呀！)

2. Work hard, play harder.

好多人投訴說，潛水是高消費活動，單是考牌就要一定費用了，哪有錢？！其實潛水活動之費用有平有貴，自由市場看自己點利用金錢去做想做的事而已。但想玩的慾望，能驅使一眾Diver努力工作去賺錢，再跟潛友們到不同的潛點去盡情玩！

3. 計劃通

在香港想潛水，動輒也花半日，而Diver更喜歡夥拍志同道合一齊飛去外國嘅潛水勝地玩，少則數天，長則以月計算。Diver通常會有自己一張好詳細嘅清單 (資深Diver可能不用清單，全部在腦裡)，從執裝備行李，到約船家、book酒店等都處理得井井有條。潛水時，Diver亦會預先計劃每次潛水的深度、時間、安全停留等，令整個潛水過程玩得開心又安心，所以同呢啲朋友去旅行真係極之放心。

4. 收納大師

除了識計劃之外，Diver都是一個收納達人。每次潛水出海都要帶好多用品，例如防曬、潛水錶、Gopro / 相機、叮叮棒、電筒、私家咬咀等（好注意個人衛生）。如果買咗私人嘅wetsuit、BCD就要帶更加多裝備。但Diver通常可以充分利用空間，將所有裝備收納在行李袋及背囊裡，而且有自己一套系統，又不會亂七八糟，真係少啲技巧都做唔到呀！

5. 凡事識「反壓」

初學潛水時嘅第一項技能就係「反壓」(如何在下潛時均衡中耳之壓力)，防止中耳氣壓傷。感覺到壓力或痛楚後，Diver都漸漸習慣如何令自己解壓 (如：捏鼻再輕輕呼氣)。同樣，日常生活中每一個人都面對不同程度的壓力，最重要係搵到一個令自己舒暢嘅方法，對抗樽頸位，不讓壓力積累著自己無法前行。

當你發現你的另一半、潛友們有以上5大特質，咁就恭喜你，好幸福啊！因為近朱者赤，近墨者黑。你會漸漸發現，自己都一直朝住這軌道而進步！

願大家一起繼續愛海洋。

下一篇再分享其他特質給大家吧！ (會透露變美的秘方，Stay tuned~)