不遲也不早 防曬最緊要搽得剛剛好~

夏日炎炎,想玩水又唔想曬到太黑,想曬黑又唔想曬傷。Keep住曬得多,臉上又會出現唔同顏色嘅色斑,到時又要煩惱去邊度擊退啲色斑,所以做防曬,基本上係所有女生必須要做嘅事,小編以多年來玩水嘅經驗,同大家分享一下,水上活動前必須要做嘅防曬,交流心得。

文: Little FISH 🐟

何謂UVA、UVB、UVC同SPF ?

UVA、UVB、UVC :
UVA 令肌膚曬黑、老;(黑可以白番,但老化真心驚驚~)

UVB 令肌膚發紅及曬傷;(曬到又紅又甩皮,諗起都痛😖~)

UVC波長最短但能量就最強,不過幸好這UVC已被大氣層過濾去。

SPF : (Sun Protection Factor)


大家最常見嘅SPF其實只係針對 UVB 的防曬指標,而SPF 就係 100/10=10,SPF10 代表可以曬紅時間「延長10倍」的時大家最常見嘅SPF其實只係針對 UVB 的防曬指標,而SPF 就係 100/10=10,SPF10 代表可以曬紅「延長10倍」的時間。同一道理,SPF 50 的產品就係可以比你被曬紅嘅時間延長 50 倍。

上午 10 點到下午 3點呢段時間,通常是紫外線在一日裡面最強嘅時間。如果活動是可以避免的話,就應該盡量避開呢段陽光最猛烈嘅時間,亦記得依照所身處之環境及活動,去選擇合適嘅SPF。一般嚟講,普通行街時,SPF 20-30 便足夠,去沙灘曬太陽或者玩水上活動,則要用 SPF 50 以上為最佳。

當然要記住,每次出門曬太陽半個鐘前就要搽定防曬,等防曬有足夠時間發揮作用。而建議大家每次臉部搽防曬嘅份量大概一茶匙左右,相等於5ml嘅份量。但所有防曬都會喺 2至 3小時後,功效慢慢減弱㗎,尤其落水後會甩得更快,所以記得每數小時就要補防曬一次!

有時候水上活動好難避免要曝曬喺太陽下, 記住要為皮膚做遮擋,例如戴帽、戴太陽眼鏡,或者穿著長袖衣物等,以加強防曬效能。希望大家盡情去享受Vitamin “SEA” 同太陽恩物 Vitamin D 之餘,都有好好保護自己嘅皮膚呢!

小編溫馨提示:

•揀岩適合度數嘅防曬

•出門半小時前搽定防曬

•補防曬!補防曬!補防曬!(重要嘅事情講三次)

•帶定帽、太陽眼鏡或防曬衣傍身

下篇 : 同大家研究吓點樣運用「愛心防曬法」。

發表迴響