潛水高手 喙還會變色吸引異性

海鸚鵡一般都住喺海上面㗎，所以話佢哋真係名副其實嘅「水上人」。
冬天嘅時候佢哋就係靠喺海裡頭捕魚為生，你哋又估下佢哋最鍾意食咩呢？
係鯡魚和沙鰻魚啊！
海鸚鵡亦都係好好嘅泳手，佢哋潛水深度可以有最多60m深；(比我哋A仔潛深多20米😯)同時佢哋都係飛翔小能手，拍翼速度可達每分鐘400次，時速80km/h 。太不可思議啦！

海鸚鵡（學名：Fratercula）：
因為長相似鸚鵡咁得意而得到這稱號，走路時有點像企鵝。

話說係一隻耐力加持久力驚人嘅遠洋海鳥，分佈於北天平洋與北大西洋。

在冰島上，就住有約1000萬隻北極海鸚鵡。😱最大嘅鳥群落喺冰島嘅韋斯特曼納群島。於2009年，科學家估計當地就有110萬個巢穴，而其數量就達400萬隻。

佢哋嘅喙（嘴巴）會喺冬天嘅時候褪色成灰色，只有到春天嘅時候先會變回鮮豔嘅橙色，目的係為咗繁殖、吸引異性。

原來海鸚鵡係一夫一妻制架！(好恩愛～❤️)
媽媽鳥每次會生一隻小鳥，
鳥BB經孵化個半月左右就會破殼而出。
再過六個星期左右便會離開父母獨立。(好可憐啊🥺)
鳥BB出生後頭幾年都會喺海上生活，
到5歲先會返番佢哋嘅家鄉繁殖地。
繁殖過後，海鸚鵡就會到海上過冬。

咁點解會話佢哋係潛水高手？
因為佢哋通常會喺海上低飛搵食物，只要發現魚嘅蹤跡，佢哋就能夠瞬間潛入海中進行追捕，嗰對短小嘅翅膀仲可以令佢哋喺水中自由地變換方向。而且佢哋嘅鳥喙仲一次可以撈上十多條小魚，果然有驚人嘅水中覓食能力。

【海鸚鵡】履歷

體長: 28-34cm
雙翼展開: 50-60cm
眼睛: 靈巧、有神
背部羽毛: 黑色
腹部: 白色
面部: 顏色鮮艷
尾: 短
翼: 短小、適合游泳
腳: 橘紅色、趾間有蹼膜(鮮艷的橘紅色)
空中拍動頻率: 400次/min
鳥喙: 大，呈三角形，帶有一條深溝。藍黃和紅不同的顏色。鳥喙在繁殖季節時會變得鮮艷 (要吸引異性) 但吸引完後，鳥喙又會變回細小及沉色。